Астана
-5.03°C
Астана
-5.03°C
Астанада бір жыл бойы сабақ өткізбесе де жалақы алып келген №49 мектептің директоры қызметінен қуылды, деп хабарлайды Paryz.kz Ulysmedia.kz-ке сілтеме жасап.
Осыған дейін Астанадағы №49 мектептің 10 сынып оқушылары мектеп директоры жоспарлы сабақтарды өткізбегенін айтып, бейнеүндеу жолдаған болатын. Оқушылардың шағымынан кейін қалалық білім басқармасы қызметтік тексеріс жүргізген.
"Қызметтік тексеру жүргізу үшін Басқарманың 26 мамырдағы № 1098 бұйрығына сәйкес жұмыс тобы құрылды. Сол күні тексеріс жүргізіліп, жұмыс қорытындысы бойынша мектеп директорының әрекеті тәртіптік комиссия отырысында қаралды. Бүгінгі таңда басқарманың 29 мамырдағы №1113 бұйрығымен №49 орта мектебінің директоры қызметінен босатылды", - деп хабарлады қалалық білім басқармасының баспасөз қызметі.
