Жұмыспен қамту органдарына жұмыс іздеуші ретінде жүгінген 27287 адамның Ұлттық жобаға қатысушы ретінде 19952 адам тіркелді (оның ішінде 74,8%/14930 - жұмыссыздар, 6,7%/1331 - жұмыс іздеушілер, 18,4%/3666– өз бетінше жұмыспен қамтылғандар, 0,1%/25 – өзге санаттағылар).
Нәтижесінде 2081 адам бос жұмыс орындарына тұрса, «Бастау Бизнес» жобасы бойынша кәсіпкерлік негіздеріне оқытуға 3349 адам жолданды (жоспар бойынша 2500, немесе 134,0%), олардың 3349-і оқу курсын аяқтап сертификатын алды. Қазіргі таңда 5 азамат тұрақты жұмыспен қамтылды, 16 адам жұмыспен қамтудың белсенді шараларына жолданды.Сондай-ақ, 39 тұрғын грант алды, ал 778 азамат қазіргі таңда өз кәсібін ашты.
Бүгінгі күнге 2893 адам немесе жоспарланған 3234 адамның 89,4% «Электронды еңбек биржасы» порталы арқылы онлайн-оқудан өтті. Оқу курстары skills.enbek.kz платформасында жарияланды.
Мұнан бөлек, субсидияланатын жұмыс орындарына 10506 адам жұмысқа орналастырылды, яғни:
- әлеуметтік жұмыс орындарына – 404 адам жолданды, оның 9 аяқтап, 4 тұрақты жұмысқа орналастырылды (жоспар 640 адам немесе 63,1%, бөлінген қаржы: 529,9 млн.теңге);
- жастар тәжірибесіне – 570 адам жолданды, оның 9 аяқтап, 5 тұрақты жұмысқа орналастырылды (жоспар 4089 адам немесе 13,9%, бөлінген қаржы: 5078,5 млн.теңге);
- ақылы қоғамдық жұмыстарға – 8724 адам жолданды, оның 193 аяқтап, 93 (48,2%) тұрақты жұмысқа орналастырылды;
- «Алғашқы жұмыс орыны» жобасына – 91 адам жолданып, 4 (адам қазіргі таңда оқуын аяқтады және 3 азамат тұрақты жұмысқа орналастырылды.
- «Ұрпақтар келісімшарты» жобасына – 5 адам жолданды (жоспар 31 адам немесе 16,1%, бөлінген қаржы: 19,2 млн.теңге);
- «Күміс жас» жобасына – 712 адам жолданды (жоспар 514 адам немесе 138,5%, бөлінген қаржы: 446,6 млн.теңге).
- «Жастардың кәсіпкерлік бастамасына жәрдемдесу үшін бюджеттік кредиттер ұсыну» бюджеттік бағдарламасы шеңберінде жеңілдетілген 2,5 пайызбен несие бойынша «Бизнес жобаларды іріктеу жөніндегі конкурстық комиссияның» хаттамалық шешімімен құны 33,5 млн.теңгені құрайтын 7 өтінім мақұлданды (Қызылорда қаласынан – 4, Арал, Сырдария, Шиелі аудандарынан 1 өтінімнен. Түскен 7 өтінімнің 3-уі жылқы шаруашылығына, 1 жоба құрылыс материалдары өндірісі (кәріз құдығы), қалған 3 –уі қызмет көрсету саласын дамытуға бағытталған (арнайы техника алу, жүк автокөлігі, косметикалық қызмет).
- 350 адам жаңа бизнес-идеяны іске асыруға арналған қайтарымсыз мемлекеттік грант алды (жоспар 1526 адам немесе 22,9%, бөлінген қаржы: 2105,9 млн.тенге (оның ішінде 17-і асыраушысынан айырылуына байланысты әлеуметтік жәрдемақы алушылар, 54-і мүгедектігі бар азаматтар, 215-і көп балалы отбасылар, 35-і мүгедектігі бар балаларды тәрбиелеп отырған тұлғалар, 2-уі қандастар, 27-і атаулы әлеуметтік көмек алушылар).