Назарбаевтың америкалықтарға қымбат сыйлықтар сыйлағаны мәлім болды

АҚШ-тың Қазақстандағы бұрынғы елшісі Джон Ордвейге бұрынғы президент Нұрсұлтан Назарбаев құны 9 мың 995 доллар (шамамен қазіргі бағаммен 4 млн 500 мың теңге) тұратын Blancpain сағатын сыйға тартқан. Қымбат сағатты Америка хаттамасының бас кеңсесі Астанадағы елшіліктен дипломатиялық пошта арқылы алған.

Бізге бұл туралы мәлім. Себебі АҚШ-та шенеуніктер мен президент шетелдік сыйлықтарды, тіпті олардың бағасы 5 доллар болса да жариялап, мемлекеттік мұрағатқа тапсыруы керек. Әйтпесе сыйлық пара болып саналады. Егер алған затты қатты ұнатса, америкалықтардың оны сатып алу мүмкіндігі бар, бірақ олар мұны өте сирек жасайды», – делінген жазбада.

Дереккөз атап өткендей, біздің елімізде мұндай тәжірибе кездеспейді.

«Қазақстандық шенеуніктерге қандай сыйлықтар берілгенін және сыйлықтардың қазір қайда екенін біз тек болжай аламыз. Бар болғаны 20 жылдың ішінде біз АҚШ-қа 101 995 доллар немесе 45 миллион теңгеден асатын сомаға сыйлық жасаппыз.

Қазақстанның атынан ең қымбат сыйлықты Нұрсұлтан Назарбаев АҚШ-тың вице-президенті Дик Чейниге жасаған. Ол 2006 жылы мамырда 25 мың 300 доллар (шамамен қазіргі бағаммен 11 млн теңгеден асады) тұратын Breguet сағатын сыйлаған.

Сол уақытта Дик Чейни Қазақстанға келген еді. Жоғары лауазымды шенеунік энергетика мәселелерін талқылап, Ресейді айналып өтетін Каспий теңізінің түбімен газ құбырын тарту туралы айтуы керек болған. Бірақ бізге белгілі болғандай, бұл жұмыс әңгімеден әрі аспаған», – деді жазба авторы.