Астана
-15.03°C
Астана
-15.03°C
Астанада көпқабатты тұрғын үйдің 2-ші қабаттағы пәтерден өрт шығып, тұрғындар эвакуацияланды, деп хабарлайды Paryz.kz ақпарат агенттігі қалалық төтенше жағдайлар департаментінің баспасөз қызметіне сілтеме жасап.
«21 ақпан сағат 12:26-да қалалық төтенше жағдайлар департаментіне Сарыарқа ауданы Қосшығұлұлы көшесі, 22/1 мекенжайында өрт шыққаны туралы хабар түсті. Оқиға орнына жеткен өрт сөндірушілер көпқабатты тұрғын үйдің 2-ші қабатында орналасқан пәтерде 25 шаршы метрде жиһаз бен үй заттарының жанып жатқанын анықтады», - делінген хабарламада.
Елордалық өрт сөндірушілер автосаты көмегімен 26 адамды өрт аумағынан аман алып шықты.
Оның ішінде 13 бала бар. Жалпы саны 125-ке жуық адам эвакуацияланды.
«Жедел жәрдем бригадасы мен апаттар медицинасы орталығының дәрігерлері 6 адамға, (үшеуі бала) медициналық көмек көрсету үшін ауруханаға жеткізді», - дейді ведомстводан.
Ресми ақпаратта айтылғандай, тілсіз жаумен күреске жеке құрамның 18 маманы және 4 техника жұмылдырылды.
