Астана
-6.03°C
Астана
-6.03°C
Еңбек және халықты әлеуметтік қорғау министрлігі қазақстандықтардың орташа зейнетақы мөлшерін жариялады, деп хабарлайды Paryz.kz Ulysmedia.kz сайтына сілтеме жасап.
2023 жылғы қаңтарда республикалық бюджеттен 274,1 млрд теңге сомасында зейнетақы төленген, оның ішінде базалық зейнетақы – 84,2 млрд теңге, ынтымақты зейнетақы – 189,9 млрд теңге.
Ведомство мәліметінше, елдегі зейнеткерлер саны – 2 млн 292 мың адам.
«2023 жылғы 1 ақпандағы жағдай бойынша жиынтық зейнетақының орташа мөлшері 120 659 теңгені құрады, оның ішінде ынтымақты зейнетақы мөлшері – 82 878 теңге, базалық зейнетақы – 37 781 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз. Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне қосылады», - деп түсіндірді министрлік.
