54 адамы бар автобус Ресей тасжолында аударылды: Бес адам зардап шекті

Алтай өлкесіндегі тас жолда Қарағандыдан Новосібірге бара жатқан бес жолаушы жол апатынан зардап шекті, деп мәлімдейді Paryz.kz ақпараттық агенттігі РЕН ТВ арнасына сілтеме жасап.

54 адамы бар автобус Ресей тасжолында аударылды: Бес адам зардап шекті
фото: ren.tv

Оқиға 9 қаңтарда болған.

Ресей аймағындағы прокуратура баспасөз қызметінің мәліметінше, бұл Панкрушиха елді мекенінен 17 шақырым жерде болған. Қазақстаннан шыққан автобус трассадан шығып, аударылды. 

Оқиға болған кезде көлік салонында 54 адам болған. Зардап шеккен төрт адамға сол жерде көмек көрсетілді. Бала ауруханаға жатқызылды.

Қазір мемлекеттік автоинспекция қызметкерлері жол апатының мән-жайларын анықтай бастады.