Қаратауда қатты желдің кесірінен көпқабатты үйдің шатырлары мен көліктер қирап, жылу мен жарық өшірілді

Қаратау әкімдігі жеті үйдің шатыры құлағанын мәлімдеді. Үшінші шағын ауданның көпқабатты үйлері зардап шекті. Қала әкімдігі ішінара шатырсыз қалды. Қазіргі уақытта қаланы шатырлар мен құлаған ағаштардан тазарту жұмыстары жүргізілуде.

Жамбыл облысы әкімінің баспасөз қызметінің басшысы Данияр Асқарұлының айтуынша, Талас ауданында облыс әкімінің орынбасары Ерболат Ибрайхановтың басшылығымен штаб жұмыс істейді.

Жылу мен электр қуаты қалпына келтірілді. Қазір мамандар толық көріністі анықтау үшін қаланы аралап жүр. Өкінішке қарай, байланыс әлі жоқ. Көптеген адамдармен хабарласа алмаймыз. Сарысу ауданына барған мамандармен де байланыса алмаймыз– дейді Асқарұлы.

Сарысу ауданы әкімдігінің ішкі саясат бөлімінің басшысы Гүлнұр Алтынбекованың айтуынша, Жаңатаста да қатты жел тұр.

Халық арасында зардап шеккендер жоқ. Ұялы байланыс ұстамайды, тек қалалық телефондармен сөйлесуге болады. Жарық пен жылу тұрақты түрде беріледі. Келген залал туралы нақты айта алмаймыз, ақпарат нақтыланады. Жағдай аудан әкімі Марат Сұлтанғалиевтің бақылауында– деді Алтынбекова.