Өскеменде мектеп оқушылары тағы да онлайн форматта оқиды
Өскемен қаласында мектеп оқушылары аязға байланысты екінші күн қатарынан онлайн форматта оқиды, деп хабарлайды paryz.kz ақпарат агенттігі.
Фото: ашық дереккөз
ШҚО Төтенше жағдайлар департаменті баспасөз қызметінің мәліметіне сүйенсек, өңір аумағында аяздың беті қайтпай тұр. 29 қарашада түнде облыстың солтүстік-шығысында ауа температурасы 43 градусқа дейін төмендейді.
«Оның ішінде Өскеменде де қатты аяз. Соған орай қала мектептеріндегі бірінші ауысымдағы 0-11 сынып оқушылары үшін сабақ қашықтан өтеді», - делінген ақпаратта.
Өзге аудандарда оқушылардың қалай оқитыны туралы ақпарат әлі жария етілмеді.
