Бұл өз кезегінде жолда қауіпсіздік ережелерін сақтау тәртібінің төмендігін көрсетеді. Осыған байланысты полиция қызметкерлері жол жүрісін қадағалауды, сондай-ақ жылдамдық режимін бұзу, бағдаршамның қызыл сигналына өту, қарсы жолаққа шығу, жаяу жүргіншілерге жол бермеу сияқты өрескел бұзушылықтардың жолын кесуді күшейтті.
Сондай-ақ жолда жолаушылар көлігін жүргізетін, жүк тасымалдайтін жүргізушілерді тексеру күшейтілді.
Полиция жасақтарының бағыттары қарбалас уақытта оқу орындарына барынша жақындатылды.
Сонымен қатар Ішкі істер министрлігі Оқу-ағарту министрлігіне мектеп бағдарламаларында жол жүрісі қағидалары бойынша сабақты жеке бөлек пән ретінде өткізу туралы ұсыныс жолдады.
ІІМ жолдағы қауіпсіз жүріп-тұру қағидаларын ұмытпауға шақырады.
Жолда жүргізуші өзінің және өзгенің қауіпсіздігі үшін жауап беретінін есте ұстаған жөн. Жаяу жүргіншінің рұқсат етілмеген жерден өтуі қайғылы жағдайға айналуы мүмкін. Ата-аналардан балаларды бақылап отыруды сұраймыз. Балаларды мектепке шығарып салып, қарсы алуды ұмытпаңыздар. Жылдамдық режимін, сондай-ақ автомобильдер арасындағы қауіпсіз қашықтықты сақтау өте маңызды, бұл жолдағы күтпеген апаттың алдын алуға көмектеседі, – делінген хабарламада.