Нұр-Сұлтан тұрғыны темекі ұрлағаны үшін қамауға алынды

Ол бұған дейін бір пәтерден ноутбук пен тағы бір кеңседен жарты миллион теңгені ұрлаған көрінеді.

фото: 24.kz

Елордада ұрлық жасауды әдет қылған 24 жастағы тұрғын ұсталды. Күдікті бейнебақылау камерасына түсіп қалған, деп хабарлады paryz.kz.

Көлігімен азық-түлік дүкеніне келген жүргізуші-экспедитор тауар түсіріп жатқанда 16 қорап аса бағалы темекіні қолды қылған. Заттың жалпы құны – 80 мың теңге.

Ол бұған дейін бір пәтерден ноутбук пен тағы бір кеңседен жарты миллион теңгені ұрлаған көрінеді. Бұрын істі болып сотталған. Қазір қамауға алынып, тергеу амалдары жүріп жатыр.