Қазақстандық қыз Лаоста еңбек құлдығына түскенін айтты: ІІМ қылмыстық іс қозғады

Қыздың мәлімдемесіне қатысты Қазақстснның Ішкі істер министрлігі пікір юілдірді, деп хабарлайды ІІМ ресми Telegram арнасы.

Қыздың айтуынша, ол Лаосқа клиенттермен жұмыс істейтін менеджер ретінде барған. Ал жұмысқа орналастыру бойынша келіскен компания өзін инвестицияға арналған платформа ретінде таныстырған. А

нель Бермағанбетованың сөзінше, іс жүзінде компанияның алаяқтыққа қатысы бар болып шыққан.

”Қазір төртінші күн Лаоста бөлмеден шықпай отырмын, ешкімді кіргізбедім. Кеше істің басы-қасында жүрген қытайлықпен сөйлесіп, мұндай жағдайда жұмыс істемейтінімді айтуға тырыстым. Ұшаққа шығынымды өтейтінімді, үйге қайтатынымды жеткізгім келді. Ол “Бұл саған келіп-кететін жер емес, бір жылға қалуың керек” деп айтты”, - деп жазды ол.

Қыздың мәлімдемесіне қатысты Қазақстан ІІМ пікір білдірді.

“Бұл дерекке қатысты Қазақстан Республикасы Қылмыстық кодексінің 126-бабының 1-бөлігімен(Адам ұрлауға байланысты емес бас бостандығынан заңсыз айыру) қылмыстық іс тіркеліп, сотқа дейінгі тергеп-тексерулер басталды. Оның нәтижесінде анықталған мәліметтерге сәйкес ресми ақпараттар қосымша ұсынылады. Оқиға туралы ҚР Сыртқы істер министрлігіне хабарланды. Жәбірленушінің ағасымен байланыс орнатылды. Сонымен қатар ҚР консулдығы департаментіне хат жолданды”, - деді министрлікте.