Жамбыл облысында денсаулық сақтау басқармасының лауазымды шенеуніктері бюджеттен коронавируспен күреске бөлінген қаржыны жымқырды деп айыпталуда. Бұл туралы paryz.kz хабарлады, сыбайлас жемқорлыққа қарсы іс-қимыл агенттігіне сілтеме жасап.
Анықталғаны, басқарма індетпен күреске медициналық бұйымдарды алуы тиіс болған. Алайда, денсаулық сақтау саласының шенділері оларды жоғары бағамен сатып алған. Сөйтіп, мемлекетке 9 млн теңгеге жуық шығын келтірген.
Қазір қазына қаржысын жымқыру дерегімен тексеріс жүргізіліп жатыр. Ал тергеу құпиялылығына байланысты өзге мәлімет айтылмады.