Ресейлік блогер Варламов Қазақстан туралы фильм түсірді (ВИДЕО)

Ресейлік танымал блогер Илья Варламов КСРО тарағаннан кейін Қазақстанның дамуы туралы үш сағаттық фильм түсірді деп жазады Orda.kz. 

КСРО ыдырауының 30 жылдығына орай Варламов «КСРО-сыз 30 жыл» фильмдер циклын түсіре бастаған. Оның ішінде Қазақстан туралы «Казахстан: обнуление, пенсионная реформа и лидер нации | Нур-Султан, Байконур и ядерный полигон» фильмі бар.

Илья Варламов экс-кеңестік республикалар қатарындағы Қазақстанның көрінісін көрсеткен.

Қазақстан – бұрынғы КСРО-ның Ресейге ең ұқсас елі. Мұнда да ұлт көшбасшысы бар, оппозицияны қудалайды және зейнетақы реформасын жүргізеді. Осы жерден Юрий Гагарин Байқоңыр ғарыш айлағынан ғарышқа ұшты, ал Семейдегі ядролық полигонда алғашқы кеңестік атом бомбасы сыналды. Бүгін мен Қазақстанның Кеңес Одағынсыз 30 жыл қалай өмір сүргенін, Назарбаев елді неге әкелгенін айтып беремін және Лениннен бұрын пайда болған кесенені көрсетемін, - деп атап өтті Варламов.

Варламов түрте кеткен тақырыптар:

• 90-жылдары Семейдегі полигонды қалай тартып алды
• Ядролық сынақтардан қанша адам зардап шекті?
• 1986 жылы болған митингтер
• Тәуелсіздік алғаннан бері Қазақстанның өмірі қалай өзгерді
• Назарбаевтың жеке басына табыну
• Қазақстандағы Демократия мен сөз бостандығы
• Жаңаөзендегі жаппай тәртіпсіздік
• Жер үсті метросы – Нұр-сұлтанның жемқорлық ескерткіші.