Астана
-9.03°C
Астана
-9.03°C
Әлемге әйгілі Уганда марафоншысы Ребекка Чептегеи қазір жан түршігерлік зорлық-зомбылықтың салдарынан өмір мен өлім арасында күресіп жатыр. Ер адам оны ақша үшін өртеп жіберген, деп жазады Decripto.
Жақында 2024 жылы Парижде өткен Олимпиада ойындарына қатысқан спортшы қатыгез шабуылдың құрбаны болды. Қайғылы оқиға Кенияның Транс-Нзоя округінде болған.
Шіркеуден балаларымен үйге оралған Ребекканы бұрынғы жігіті Диксон Ндима Рид күтіп тұрған. Мүлік дауына байланысты болған жанжал қайғылы жағдайға ұласқан. Ер адам Ребеккаға бензин құйып, оны өртеп жіберген.
Спортшы денесінің 75 пайызын қатты күйік шалған. Күйіктің ауырлығы дереу медициналық көмекті қажет етті. Ребекка шұғыл түрде Эльдореттегі Moi University and Referral Hospital университеттік ауруханаға жеткізілген. Спортшының жағдайы өте ауыр.
Ребекка Чептегеи тек зорлық-зомбылықтың құрбаны ғана емес, сонымен қатар өз елін халықаралық деңгейде танытқан дарынды спортшы. 2024 жылғы Париж Олимпиадасында ол әйелдер марафонында жарысқа қатысып, 44-орынға ие болды. Сонымен қатар Таиландта өткен 2021 жылғы таулы және трассалық жүгіруден әлем чемпионатына қатысып, алтын медаль жеңіп алды. Бұл оның мансабын сипаттайтын көптеген жетістіктердің бірі ғана.
