Миллиардерлерді бөлек салық төлеуге міндеттемек

Әлеуметтік теңсіздікті азайту мақсатында Вашингтон заң шығарушылары штатта тұратын миллиардерлерден бір пайыздық салық алуды ұсынды. Әлемдегі ең бай адам және Amazon негізін қалаушы Джефф Безос Вашингтон бюджетіне 2 миллиард доллар табыс салығын төлеуге міндеттелуі мүмкін, деп хабарлады paryz.kz, unilad.co.uk сайтына сілтеме жасап.

Заң шығарушылар салық тек материалдық емес, қаржылық активтерге, акциялар не опциондар сияқты қаржылық инвестицияларға қолданылатынын мәлімдеді.

Tax Foundation мәліметтері бойынша, Джефф Безостан басқа, салықтың көп бөлігі Билл Гейтс, миллиардер Маккензи Скотт және Стив Баллмерден түседі.

Заң жобасы қабылданса, қазіргі уақытта жағдайы шамамен 200 миллиард долларға бағаланатын Безос жаңа салық бойынша жылына екі миллиардқа жуық төлеуі тиіс. Ал Билл Гейтс шамамен 1,3 миллиард төлейді, оның жағдайы 135 миллиардқа бағаланады. Стив Баллмер де шамамен 870 миллион доллар төлеуі керек. Безостың бұрынғы әйелі Маккензи Скотт шамамен 600 миллион төлеуі мүмкін.

Алайда миллиардерлер жылына 183 күнтізбелік күнді басқа штатта өткізсе, салық төлеуден босауы мүмкін.

Сарапшылар бұл адамдардың кез келгені негізгі тұрғылықты жерін басқа штатқа ауыстырып, Вашингтонда орналасқан компанияларының штаб-пәтерлерін көшіре салады деп қорқады. Олардың пікірінше, мұндай қадамға Джефф Безос баруы мүмкін. Өйткені ол жақында өзі басқаратын Amazon компаниясының бас директоры қызметінен кетуге шешім қабылдады.