1-сыныпқа барғанда салмағы 115 келі болған балуан қайтыс болды

Нальчикте 21 жасында Кабардин батыры Джамбулат Хатохов қайтыс болды. Ол 2003 жылы әлемдегі ең үлкен бала ретінде Гиннестің рекордтар кітабына енді, деп хабарлады paryz.kz, stan.kz-ке сілтеме жасап.

Джамбулат Хатоховтың Instagram-дағы аккаунтында қайтыс болғаны туралы Ресейдің мас-күрес бойынша жасөспірімдер құрамасының жаттықтырушысы Бетал Губжев хабарлады.

"Гиннестің рекордтар кітабының рекордшысы, Кабардино-Балқар Республикасының алғашқы сумо балуаны Джамбулат Хатохов дүниеден өтті" деп жазды ол.

Жаттықтырушы Хатоховтың өлімінің себебі туралы хабарламады. Джамбулат Хатохов 1999 жылы 24 қыркүйекте Кабардино-Балкарияда Терек қаласында дүниеге келген. Бір жасында оның салмағы 17 килограмнан сәл төмен болды. Джамбулат 1-сыныпқа қадам басқан кезде оның салмағы 115 келі болатын.

Осы жаста артық салмақ туралы ойланып, бір жылдың ішінде ол 50 келіден артық салмақ тастады. Нәтижесінде 18 жасқа дейін оның салмағы 176 килограмм болды.