Трамптың бәйбішесі президенттіктен кеткен күйеуінен ажырасқалы отыр

АҚШ-тың қазіргі президенті Дональд Трамптың әйелі Мелания ажырасуға арыз беру үшін Трамптың өкілеттілігінің аяқталуын күтіп отыр, деп хабарлады Stan.kz.

Ақпаратты британдық Daily Mail АҚШ-тың бірінші ханымының бұрынғы көмекшілеріне сілтеме жасай отырып таратқан. Олардың айтуынша, неке әлі бұзылған жоқ, өйткені, Мелания жағымсыз салдарға тап болуы мүмкін.

"Егер Мелания қорлыққа төзе алмай, Трамп билікте тұрған кезде кете алса, оны жазалаудың жолын табар еді", - деді бұрынғы көмекшілерінің бірі басылымға берген жауабында.

Бірінші ханымның тағы бір бұрынғы көмекшісі Стефани Волкоффтың айтуынша, Трамптың Меланияға үйленуі келісіммен болған. Ерлі-зайыптылар тіпті бөлек бөлмелерде ұйықтаған. Волкоффтың сөзіне қарағанда, бірінші ханымның Нью-Йорктен Вашингтонға қоныс аударуы инаугурациядан 5 айдан кейін некеден кейінгі келісім бойынша келіссөздер жүргізілуіне байланысты болған. Бұл президенттің ұлы Бэррон мұрадан өз үлесін алу үшін қажет болды.

Мелания өзінің сұхбатында күйеуімен жақсы қарым-қатынас туралы бірнеше рет айтқан. Алайда, адвокат Кристина Превайттың айтуынша, Меланияға неке шарты бойынша бұқаралық ақпарат құралдарында күйеуін сынға алуға тыйым салынуы мүмкін.

Трамп екінші әйелі Марла Мейплзбен осындай келісім жасады. Оған сұхбаттар кезінде бұрынғы жұбайы туралы кітап жазуға немесе ол туралы теріс пікір айтуға тыйым салынады.