"Астанада Ресей әнұраны ойнағанда адамдар орнынан тұрған жоқ, бұлай болмайды" – ресейлік хоккейші

Бізді бала кезімізден елдің әнұраны шырқалған кезде тұру керек деп үйреткен. Бүгін Ресей әнұраны орындалып жатқанда көп адам өз орындарында отырды. Менің ойымша, олай болмайды – деді Широков.

Ресейлік БАҚ спортшыға қолдау білдіріп, «Ресейде ҚХЛ-ға қатысатын басқа елдердің әнұраны ойналғанда олар әрқашан орындарынан тұрады» деп атап өтті.

«Автомобилист» шабуылшысымен дауласудың қажеті жоқ, оның айтқаны жүз пайыз дұрыс. Әнұран орындалғанда орнынан тұру – елге, оның өкілдеріне (ойыншыларға, жаттықтырушыларға және т.б.) және халыққа деген құрметтің белгісі. Ресейде ҚХЛ-ға қатысатын басқа елдердің әнұрандары орындалған кезде олар әрқашан орындарынан тұрады. Мысалы, Санкт-Петербургте Финляндия, Беларусь, Қытай және т.б. әнұрандары орындалып жатқанда ешқашан отырғандар болған емес. Біздің еліміздің басқа қалаларында мұндай нәрсені елестету қиын» деп жазады allhockey.ru басылымы.

2015 жылы әлем чемпионатының финалдық матчында Канададан жеңіліп қалған (6:1) хоккейден Ресей құрамасының командасы Канаданың әнұраны орындалмай жатып мұз айдынан кетіп қалды. Бұл жанкүйерлер мен журналистер арасында өте жағымсыз реакция тудырды.

Сергей Широков – ресейлік хоккейші, «Автомобилист» командасының вингері және капитаны. 2018 жылғы Олимпиада чемпионы және екі дүркін әлем чемпионы (2012 және 2014). Ресейдің еңбек сіңірген спорт шебері (2012).

Матч сенбі, 24 желтоқсанда өтті. «Автомобилист» Астанада «Барысқа» есе жіберді (4:5 есебімен буллит арқылы ұтылды).