"Әлем мейірімді болуы керек!": Алматыда бес адамды атып тастаған күдікті туралы не белгілі?

Алматыда атыс ұйымдастырған адамды үйінен шығаруға қатысты жанжал неден басталғанын отбасының адвокаты айтып берді. Ол жанжалды істің соңғы процестерінің бірін жүргізді деп хабарлайды Paryz.kz, Express Qazaqstan-ға сілтеме жасап.

Оның айтуынша, іс 2000 жылдардың басынан жүргізіліп келеді.

Мен көптеген сот процесі аяқталған соңғы кезеңдердің біріне қосылдым. Мен Дужновтың қандай адам екенін сипаттай алмаймын, себебі жұбайы Анаидпен жиірек сөйлестім. Бірақ айтуға болатыны бұл қарапайым отбасы болды, – деді адвокат.

Ол ерлі-зайыптылардың ұстамды және интеллигентті болғанын атап өтті. Бұл кішкентай балалары бар қарапайым отбасы болды. Олар проблемалармен бептпе-бет келді.

Оқи отырыңыз: Алматы тұрғыны бес адамды атып өлтірді (ВИДЕО)

Сондай-ақ Express Qazaqstan осы іске қатысты беделді алматылық заңгерлердің бірімен хабарласып, пікірін білді.

Мен қалалық соттың 2020 жылғы 28 қыркүйектегі қаулысын қарадым. Сырттай қарағанда заңды болып көрінеді, өйткені оларды банк шығарған жоқ, 2018 жылдың 4 қазанынан бастап осы үйдің иесі болып келетін Тұрғанов есімді азамат. Демек, ол сот арқылы оларды шығаруға толық құқылы болды, солай істеген де. Конституция бойынша заңды күшіне енген кез келген сот шешімі орындалуға тиіс. Сондықтан Дужновтың әрекеттері ешқандай ақтауға келмейді. Қанша өз жұмысын атқарған кінәсіз адамдар мерт болды, – дейді өз есімін атамауды сұраған заңгер. 

Игорь Дужнов туралы не белгілі?

54 жастағы Игорь Дужнов 2009 жылы тіркелген "Нано плюс" ЖШС басшысы ретінде көрсетілген. Компания автомобиль бөлшектерін және керек-жарақтарын бөлшек саудамен айналысады.

Бизнесмен Кәсіпкерлердің тәуелсіз қауымдастығы бизнес-клубының мүшесі болды және БАҚ-қа ара-тұра сұхбат беріп жүрген. Сұхбаттарының бірінде ол қаражаттың жоқтығына және жиі тексерулерге шағымданған.

Өткен жылы "Даму" бағдарламасы бойынша алынған несиені 12,5%-бен қайта қаржыландырдым. Бұл ретте сақтандыру үшін 200 мың теңге төлеуге тура келді. Қазір біздің кәсіпорын үнемі түрлі мониторингтерге ұшырайды. Шынымды айтсам, жаңа несие беруге уәде етілген соң мөлшерлемені азайтуға шешім қабылдадық. Бізге "ұзақ ақша" керек. Кепілдік екінші несие алуға мүмкіндік береді, бірақ бізге банк рұқсат бермейді, – дейді ол.

Дужновтың әйелі Анаида Демирчян да бизнеспен айналысқанға ұқсайды. Ол "Золотое руно" атты Сұлулық және денсаулық орталығында байланыс тұлғасы ретінде көрсетілген.

Дужновтың әйеліне тиесілі үй банктердің бірінде кепіл мүлкі ретінде тіркелген. Ұзақ сот процестері барысында тұрғын үй банктің меншігі болып танылып, аукционда сатылды.

Сондай-ақ Игорь Дужнов қайырымдылықпен айналысқан екен. Мәселен, 2009 жылы Медицина қызметкерлері күніне орай ол басқа да кәсіпкерлермен бірге қаражат жинап, №4 қалалық клиникалық аурухана үшін 15 франциялық мүгедектерге арналған арба алып берген.

Әлем мейірімді болуы керек! Берген адамға Құдай береді деп дұрыс айтылған! Біз неғұрлым көп жақсы іс жасасақ, бәріміздің өмір сүруіміз соғұрлым жақсы болмақ, – деп пікір білдірген екен ол шаралардың бірінде.