Астана
-12.03°C
Астана
-12.03°C
Дәстүрлі әнші Өмірқұл Айниязов «Ұйқым келмейді» бағдарламасында өмірдегі тың өзгерістері туралы сыр бөлісіп, алдағы жоспарларын айтты.
- Қызым тумай тұрып, жалғыз баламен жиырма жыл жүрдім. Сосын мен бұл тағдырға көнген едім. Екінші әйел алу, ажырасып, басқа әйелге үйлену, басқа өмір сүру деген сияқты түрлі ойлардың барлығы келіп, депрессия да болды. Кейін осы бір бала үшін шүкіршілік етіп, осы тағдырға көнген едім. Сөйтсе, Алланың берері әлі бар екен. Бұл менің өмірімде ерекше құбылыс болды. Мен өмір бақи Нұртуғанмен тұрамын, соның баласын бағып, ата-әже боламыз деп ойлағанмын.
Сұхбат барысында әнші үлкен ұлын бөлек шығаруға дайын екенін айтты:
- Ұлым үйленемін деген кезде бұл бала жоспарда болмаған. Келін түсіргенде де, мен үлкен ұлыммен бірге тұрамыз айтқан едім. Бірақ қазір жоспарымыз өзгеріп жүр. Екі-үш жыл тұрғаннан кейін келін өз тәрбиесін алған соң, еншілерін беріп, бөлек шығарамыз. Жақын жерден қазір үй алып жатырмыз, жақын жерде тұратын болады, — деп бөлісті ол.
