Астана
-12.03°C
Астана
-12.03°C
Әнші Досымжан Таңатаров «Ұйқым келмейді» бағдарламасында басшылық қызметтен кетуіне не себеп болғанын айтты. Еске салсақ, өнер иесі 2023 жылғы маусым айында елордадағы «Жастар» театрының директоры қызметіне тағайындалған еді.
Жастар театрында 2,5 жыл жұмыс істедім. Әділ Ахметовтің кезінде 2 жыл орынбасар болдым. Оның көп дүниеден қолы қағылып жатты, қиналып жүрді. Жобалардың біреуіне сұранып барады, біреуіне қашып барады. Сол кезде театрды құрған Нұрқанат аға маған сенім артып, театрды басқаруға ұсыныс білдірді. Шынымен де, Әділ – ел аузындағы үлкен актер. Сол көп дүниеден қалып жатқанын көріп, бір көмегім осы болсын деген ой болды. Сондай-ақ мақсатым театрдың өсіп-өркендеуіне үлес қосып, қоғаммен байланыс жағын жандандыру болды. Азды-көпті жұмыс істедік, - деп бөлісті әнші.
Оның айтуынша, өз шығармашылығына көңіл бөлуге уақыт болмай кетті:
- Қарасам, өзімнің шығармашылығым ақсап барады. Көп жерге бара алмай қалады екенсің. Шығармашылық пен қызметті бірдей алып жүре алмайтын болғаннан кейін осындай шешім қабылдадым. Менің орныма Азамат Есқұлов келді. Оны мен 3 айдай күттім, ол осы қызметті әрі қарай жалғастыруға құлшыныс білдірді.
