«Күйеуіне әйел алып беру деген - дана әйелдердің тірлігі» - танымал продюсер

Журналист Бауыржан Есебаевқа журналист "Шаңырақ көтергеннен кейін тағы бір қызға ғашық болған екенсіз. Әйеліңіз сол қызға өзі хабарласып "жолдасыма екінші әйел боласыз ба? Мен сізді дайындайын" депті" деген. 

"Бағдарламаны көретін қарапайым адамдар ғой. Олар түсіне алмайды. Оны Исламда жүрген адамдар түсінеді. Исламдағы адамдар десек, "салафит" деп шығады. Мұны түсіну өте қиын. Ол үшін діни сауат керек. Дәл солай айтқан болсам, сондай ойым болған шығар. Күйеуіне әйел алып беру деген - дана әйелдердің тірлігі. Ондай адамдар - мыңнан бір. Екі әйел немесе көп әйел алуды жеккөрінішті нәрсеге, қалжың әзілге сай дүние жасап жіберген. Оның бәрі - шын мәнінде надандық. Себебі екінші әйел бола ма, төртінші әйел бола ма, ол да қазақтың қызы ғой.

Адамның басында неше түрлі жағдай болады. Біреу ажырасады, бала-шағасымен қалады. Кімнің қызы, кімнің сіңілісі ажыраспайды дегенге кепілдік бар? Ешкім айта алмайды. Сондықтан оңғаннан екінші әйел болмайды. Бұл - өмір. Ол дінде көп әйел алушылық деп аталады. Өзімнің достарымның екі-үш әйелдері бар. Барлығы керемет сұлуларды алып жатқан жоқ. Өмірде теңін таппаған, ажырасқан, күйеуі өлген. Бір бауырымыз алты баласымен алды. Сауап па, күнә мә? Бірінші әйелге қандай жауапкершілікпен келесің, екінші әйелге де сондай жауапкершілікпен келу керек", - деді Бауыржан Есебаев бағдарлама барысында.