"Ашаршылықты тану туралы заң жобасына "жан біте" бастады" - Петр Своик

"Көзқарас" бағдарламасында Петр Своик "Қазақстанның экономикасы батыс және Қытай инвесторларының бақылауында "тасымалдаушы экономикаға" жұмыс істеп жатыр және бұған Ресейдің қатысы жоқ" деп мәлімдеді, деп хабарлады paryz.kz, Politic.kz-ке сілтеме жасап.

Қазақстан Еуразиялық интеграцияның бастамашысы болғанымен, астана былтыр ЕАЭО-ның үлкен жиынында сыртқы саясат, қаржылық реттеу және валюталық саясат сияқты салаларда ЕАЭО-ға жаппай интеграциялау саясатының кейбір тармағы уақыт өте келе маңызын жоятыны туралы мәлімдеген болатын. Бірақ Премьер-министр Асқар Мамин:

"Біз ЕАЭО туралы шарт пен елбасы Нұрсұлтан Назарбаев 2018 жылғы 6 желтоқсанда қабылдаған интеграциялық процестерді одан әрі дамыту туралы декларацияның шеңберінен шықпауға тиіспіз", - деді.

"Сіздер (Михаил) Ходорковскийді отырғыздыңыздар, барлық ресурстарымызды бірден шетелдіктердің қолына бердік. Енді біздің экономикамыз олар үшін жұмыс істейді", - деді Петр Своик.

Еуразиялық интеграцияны ілгерілету үшін шартты түрде жаңа алтын валюта қажет, ол экономикалық өзара көмек Кеңесінің (СЭВ) кеңестік рубль ретінде бірлескен инвестициялар үшін құрал болады, деп есептейді сарапшы.

"Қазіргі жағдайда рубль де, теңге де мұндай функцияны атқармайды, өйткені олар дербес валюта болып табылмайды", - деп қосты ол.

Айтуынша, егер Мәскеу идеяны біріктіретін нақты саясатты ұсынса, Қазақстан "экспорттық экономика" шындығынан оңай шыға алады.

"Алайда, Ресейге электр энергиясын жеткізуші ретіндегі маңыздылығынан айырылуға шақ қалған Екібастұз мысалына Ресей "кінәл" емес", - деді одан әрі.

Своиктің айтуынша, қазақ ұлтшылдығы - объективті құбылыс және ол, әрине, Ресеймен интеграция үшін жұмыс істемейді. Посткеңестік кеңістіктегі сияқты, оны Батыс қолдайды.

"2020 жылы Қазақстан Парламентіне 10% дауыспен ұлтшылдарды қолдайтын "Ақ жол" партиясы өтті. "Ақ жол" облыс орталықтарын орысша атаулардан арылтуды, елдегі коммунистік идеологияға тыйым салуды ұсынады. Дәл осы партия арқылы ұлтшылдар геноцидті теріске шығарғаны үшін қылмыстық жауапкершілікті көздейтін және ол үшін жауапкершілікті КСРО-ға жүктейтін ашаршылықты тану туралы заң жобасына "жан біте" бастады", - деді Своик.

Бірақ ол қазақ ұлтшылдығы Украина мен Белоруссиядағыдай деңгейде бас көтере алмайтынына сенімді. Өйткені қоғам халық толқуы қаншалықты қауіпті әрі тиімсіз екенін түсінеді дейді.

Сондай-ақ, Қазақстан Батыс елдерімен шекаралас емес. Бұл Батыстың оның ішкі істеріне тікелей араласу қаупін жояды.

"Қазіргі жағдайда Қазақстан мен Ресейдің қарым-қатынастарына интеграция аясында шұғыл назар аудару керек. Әйтпесе әркім "өз пәтерлеріне қашады". Бұл қазақстандықтарға да, ресейліктерге де пайдалы болмайды", - дейді ол.