Петропавлда 8 жасар қыз зорланды

Солтүстік Қазақстан облысы прокуратурасының мәліметінше, қаскүнем 8 жасар бүлдіршінді 13 шілде күні күндізгі уақытта зорлаған.

"Аталған қылмысты жасады деген күдікпен полиция органдары қылмыскерді ізін суытпай ұстап, қалалық ПБ уақытша ұстау мекемесіне қамады. Ол — СҚО Айыртау ауданының 27 жастағы тұрғыны. Ауыр қылмыс жасағаны үшін Қызылжар ауданының Олшан ауылындағы қауіпсіздігі төмен мекемеде жазасын өтеп жүрген", — делінеді прокуратура хабарламасында.

Ол аталған колонияға Ақмола облысы Атбасар ауданының бұйрығымен өткен жылдың 2 желтоқсанында максимал қауіпсіздігі бар мекемеден ауыстырылған. Олшан ауылына келген соң ҚР Еңбек кодексі және ҚР ҚАК талабына сәйкес қара жұмысшы ретінде жұмысқа тұрады. Қылмыскер осы мүмкіндікті мүлт жібермей, азғындық ойын іске асырып үлгерген.

"Осы дерек бойынша Петропавл полиция басқармасы ҚР ҚР 120-бабының 4-тармағы (Кәмелетке толмаған балаларды зорлау) бойынша тергеуді бастады. Қазір қажетті тергеп-тексеру амалдары жүргізіліп жатыр, процессуалды прокурорлар тобы құрылды. Іс облыс прокуратурасының ерекше бақылауында", — дейді прокуратурадағылар.

Сондай-ақ, облыс прокуратурасы құзырлы органдардың лауазымды тұлғаларының әрекет ету барысына қағидалы түрде баға бермек.

Жапа шеккен жеткіншектің қазіргі ахуалы туралы әзірге ақпарат айтылған жоқ. Бізге белгілісі, ол тірі.