Астана
0°C
Астана
0°C
Президент Қасым-Жомарт Тоқаев Қазақстан халқына Жолдау жасау аясында бейбіт митингтің демократиялық мәні туралы айтты. Осы ретте “Бейбіт митинг” туралы заңды кейбір арандатушылар теріс пайдаланып жүргені жайлы айтып өтті, деп хабарлайды Paryz.kz, Stan.kz-ке сілтеме жасап.
Президент бұған дейін саяси реформалардың төрт топтамасын ұсынғанын айтты. Соның аясында қоғамды одан әрі демократияландыруға бағытталған бірқатар маңызды бастама жүзеге асты дейді ол.
“Жағымды өзгерістердің ауқымын саяси саланың өзінде 10-нан аса заңның қабылданғанымен бағалауға болады. Мәселен, “Бейбіт жиын” туралы жаңа демократиялық заңды алайық. Осы арқылы белсенділер, соның ішінде оппозициялық бағыттағы қоғам белсенділеріне шектеусіз митинг өткізуге, пікірін ашық білдіруге мүмкіндік берді. Бұл жаңашылдық саяси мәдениеттің өсуіне, жауапкершіліктің артуына әсер етті.
Соның өзінде бірқатар арандатушы белсенділер бұл заңды бұзуға ниетті. Бұл өзі демократиялық мәні бар заң. Енді жеңілдету болмайды. Бұл заң басқалар сияқты сақталуы керек. Мұндай еркіндік пен жауапкершіліксізден біздің азаматтарымыз зардабын көрді. Бұл заң биліктегілер мен қоғам белсенділері үшін бірдей”, – деді Тоқаев.
