Ақтауда ХҚКО қызметкері өзіне не үшін қол жұмсады?

Мамандандырылған халыққа қызмет көрсету орталығының қызметкері кеңсе ғимаратында асылып тұрған жерінен табылды. Факт бойынша сотқа дейінгі тексеру басталды деп хабарлайды Paryz.kz, Lada.kz сайтына сілтеме жасап.

«Азаматтарға арналған үкімет» мемлекеттік корпорациясы филиалының баспасөз қызметі қайғылы оқиға 13 маусым, жексенбіде болды деп хабарлап, суицид фактісін растады.

"Біз суицидтің себептерін білмейміз. Марқұмның отбасына көңіл айтамыз", – деді департаментінің баспасөз қызметі.

Марқұм бағбан болып шықты. Жұмыс уақытынан кейін ол артқы бөлмеге кіріп кеткен, кейін оның өлі денесі табылды.

Оқиға туралы полицияға 14 маусымда хабарланған. Мәйітті тексерген сарапшылар қастандық белгілерін таппады.

"Бұл факт Ақтау полиция бөлімінде тіркелген. Сотқа дейінгі тергеу жүріп жатыр. Сот-медициналық сараптама тағайындалды", – деп хабарлады Маңғыстау облыстық Полиция департаментінің баспасөз қызметі.