«Қазавтожол» АҚ қызметкері міндетін атқару кезінде қаза тапты

Қайғылы оқиға кеше сағат 14:00 шамасында «Самара-Шымкент» автожолының 1 285-шақырымында, Арал ауданының Сазды ауылы маңында қозғалыс қайта жанданған уақытта болған. Қатты жылдамдықпен жүрген Toyota Alphard көлігі жол бойында тоқтап тұрған көлікке соқтығысқан. Сол уақытта автокөлік ішінде компания қызметкері жұмыс істеп отырған. Салдарынан ол сол жерде көз жұмды.

Марқұм компанияда Қызылорда облыстық филиалының бас маманы болып 6 жылдан астам уақыт жұмыс істеген. Ол өзін адал, кәсіби қызметкер ретінде танытты. Сақтапберген Сыдықовтың артында 4 баласы мен жары қалды. «ҚазАвтоЖол» ҰК» АҚ қызметкерлері марқұмның туған-туыстары мен жақындарының қайғыларына ортақтасып көңіл айтады, – делінген хабарламада.

Қаза тапқан қызметкердің артында қалған отбасына компания тарапынан барлық қажетті қаржылық қолдау көрсетіледі.