Астана
-6.03°C
Астана
-6.03°C
Атырау қаласында шетел азаматы тұрғын үйдің 9-қабатынан секіріп кеткен. Оның мұндай әрекетке бару себебі әзірге белгісіз. Бұл туралы облыстық ПД баспасөз қызметі мәлім етті.
Департаменттің мәліметінше, оқиға кеше, 10 қаңтарда болған.
«Атырау қаласының «Нұрсая» шағын ауданындағы тұрғын үй кешендерінің бірінде кешкі сағат 19:26 шамасында ер адамның 9-қабаттан секіріп кеткені туралы хабар түсті. Ер адам оқиға орнында көз жұмды. Оқиға орнына жеткен қалалық полиция басқармасының қызметкерлері суицид жасаған Өзбекстан Республикасының азаматы екенін анықтады. Марқұм 1964 жылы туған», - делінген хабарламада.
Қазір дерекке байланысты ҚР Қылмыстық кодексінің 105-бабының 1-бөлігімен қылмыстық іс тіркелді. Осыған байланысты тиісті іс құжаттары жинақталып жатыр.
Полиция қызметкерлері шетелдік тұрғын үйдің жоғарғы қабатынан секіруіне не себеп болғанын нақтылаған жоқ.
