Ақтөбе облысында үш адам отырған көлік көлге батып кетті

Облыстық ТЖД мәліметінше, оқиға 8 қаңтарда сағат 15:52-де Шалқар қаласы маңында болған.

«Шалқар көлінде «ВАЗ-2110» жеңіл автокөлігі мұз астына батып кетті, көлік ішінде үш адам болды. 1980 және 1971 жылы туған екі адам өз күштерімен жағаға шығып үлгерген, құтқарушылар оларды жылжымалы уақытша жылыту пунктіне орналастырды. Олар медициналық көмекті қажет етпеді.

Ал 1972 жылы туған үшінші адам суға батып кетті, сағат 17:45-те құтқарушылар батып кеткен адамның денесін мұз астынан алып шықты», - делінген хабарламада.

Құтқарушылар мұздың қауіпсіз қалыңдығы бір адам үшін 10 сантиметрден кем емес, бұқаралық спорттық және мерекелік іс- шараларды және автокөлік өткелдерін ұйымдастыру үшін 25 сантиметрден кем болмауы тисі екенін еске салады.

Мұзда болған кезде:

• мұздың жұқа және жетілмеген жерлеріне шығуға;
• мұздың жекелеген (қауіпті) учаскелерінде топтарға жиналуға;
• мұздағы ойықтарға, жарықтарға, ойықтарға жақындауға;
• өткелдер үшін бөлінген орындардың шекарасынан тыс көлік құралдарымен мұзға шығуға;
• от жағуға;
• мұзда  қоқыстарды қалдырмауға рұқсат етілмейді.