Астана
-12.03°C
Астана
-12.03°C
Атырау облысындағы Соленое каналында балық қырылып жатыр. Қазір су маржанының қырылу себебін тексеру басталды, деп хабарлады Paryz.kz.
Жайық-Каспий облысаралық бассейндік балық шаруашылығы инспекциясының ақпаратына сүйенсек, бүгін, 2 қаңтарда аталған каналда балықтың қырылғаны туралы ақпарат түскен.
«Атырау облысының Жылыой ауданындағы Соленое каналында балықтың қырылғаны анықталды. Өзара іс-қимыл схемасына сәйкес, бұл жағдай туралы барлық мүдделі мемлекеттік және жергілікті атқарушы органға жедел түрде хабарланды. Осы ақпаратты тексеру үшін бүгін, 2 қаңтарда Жайық-Каспий облысаралық бассейндік балық шаруашылығы инспекциясының басшысы, жергілікті атқарушы орган, экология департаменті қызметкерлерінен құралған комиссия оқиға орнына аттанып кетті», - деп хабарлады инспекцияның баспасөз қызметі.
Мамандардың түсіндіруніше, балықтың қырылу себебі әзірге белгісіз. Оның себебі судан алынатын сынаманың қорытындысынан соң белгілі болады.
