Шығыс Қазақстан облысында мұз астына түсіп кеткен көлікте болған әйелдің денесі табылды, деп хабарлайды paryz.kz ақпарат агенттігі.
Шығыс Қазақстан облысы Төтенше жайдайлар департаментінің хабарлауынша, марқұмның денесі бүгін таңертең сағат 10:00 шамасында шығарылған.
Көлікті Төтенше жағдайлар қызметінің 9 сүңгуірі іздеді. Аяздың кесірінен сүңгуірлердің жұмысы қиындады. Мамандар жанасу арқылы жұмыс істеуге мәжбүр болды. Іздестіру жұмыстары жүргізілген жердегі тереңдік шамамен 20 метр болды, – деді облыстық ТЖД баспасөз қызметі.
Мәйітті мұздан алып шығуға 23 адам мен 7 техника жұмылдырылған.