Павлодар полициясы мас жүргізушіні қуып жүріп ұстады (ВИДЕО)

Павлодарда полиция мас жүргізушіні ұстады, деп хабарлады paryz.kz, Pavlodarnews.kz-ке сілтеме жасап.

Қаладағы Торайғыров-Бектұров көшелерінің қиылысында тәртіп сақшылары Lada Granta көлігін байқаған. Полиция жүргізушіден көлікті тоқтатуды талап еткен. Алайда, ол полицейлердің талабына бағынбай, оқиға орнынан ізін суытпақ болған.

Полиция мас жүргізушінің соңынан қуып, оны тоқтатқан. Көлікте қызы отырған. Ол қатты қорқып қалған.

Тексеріс барысында көлікті 29 жастағы ер адамның басқарғаны анықталды. Ол осыған дейін жол ережесін бұзғаны үшін жауапқа тартылыпты. Жүргізуші тәртіп сақшыларына қызымен ұрсысып қалып, ішімдік ішкенін айтқан.

"Медициналық куәландыруға сәйкес, жүргізушінің орташа дәрежедегі мас халде болғаны анықталды. Ол уақытша бейімдеу және детоксикация орталығына орналастырылды, оның көлігі айыппұл тұрағына қойылды. Жүргізушінің үстінен ҚР Әкімшілік құқық бұзушылық туралыкодексінің 608-бабы 1-тармағы бойынша әкімшілік іс қозғалды", - делінген хабарламада.