Нұр-Сұлтанда мас жігіт оқушы қызға тиіспек болған

Нұр-Сұлтанда мас ер адам кәмелетке толмаған қызға тиіспек болды деп хабарлайды Paryz.kz. 

Елордалық полиция атап өткендей, 21 қыркүйекте сағат 19: 21-де "102" басқару пультіне Рысқұлбеков көшесінде белгісіз ер адам кәмелетке толмаған қызға тиіспек болғаны туралы хабарлама келіп түсті.

Оқиға орнына дереу полиция қызметкерлері жетті. Кешке мектептен қайтып келе жатқан кәмелетке толмаған балаға мас ер адамның жақындағаны анықталды, - деп хабарлайды Нұр-Сұлтан ПД баспасөз қызметі.

Полициядағылар бұл фактіге сәйкес, 25 жастағы күдіктінің ұсталғанын атап өтті.

Медициналық тексерудің қорытындысы бойынша, ол орташа ауырлықтағы алкогольдік мас күйде болған. Ішкі істер департаментінде есепте тұрмайды, бұрын қылмыстық жауапкершілікке тартылған. Қазіргі уақытта тергеуге дейінгі тексеру шаралары жүргізіліп жатыр, оның қорытындысы бойынша процессуалдық шешім қабылданады, - деп атап өтті Нұр-Сұлтан ПД баспасөз қызметі