ШҚО-да әкім туралы зерттеу жүргізген журналисті жер аударып жіберген (ВИДЕО)

55 жастағы зерттеуші-журналист Серік Уәлиханов Қазақстаннан бес жылға шығарылды. Ол өзінің депортациялануын кәсіби қызметпен байланыстырады деп хабарлайды Paryz.kz, orda.kz-ке сілтеме жасап.

Депортацияланған – журналистік тәуелсіз зерттеу жүргізетін «Адал» баспасөз медиа орталығының бас редакторы және журналистердің еркін қызметін қорғауға арналған Қазақстандық медиа альянс өкілдігінің басшысы.

Серік Уәлиханов Қазақстанда жарты ғасыр өмір сүрді, бес жыл бұрын Ресей паспортын алды. Азаматтықтың өзгеруі «отбасылық жағдайлармен» түсіндіріледі. Қазір Семейде қарт анасы қалған.

Құжат бойынша Уәлиханов жол қозғалысы ережесін бұзғаны, жүргізуші куәлігі мен тіркеу куәлігінің мерзімі өткені үшін елден шығарылды.

Бұл қаншалықты әлеуметтік қауіпті екенін білмеймін. Олар мені тоқтатқан кезде, мен оқиғаның осылай дамитынын болжағанмын. Мен үш күн бойы кеңсе алдында ашық бақылауда болдым. Сырттан байқамау мүмкін емес. Бұған қоса, таныс полицейлер мені сылтау тауып, кез келген бап бойынша жазаға тарту үшін бұйрық шығарылғанын ескертті, – дейді журналист.

Уәлиханов жер аударуды Шығыс Қазақстан облысының әкімі Даниал Ахметовке қатысты сыни материалдарымен байланыстырады. Журналист Қасым-Жомарт Тоқаевтан жағдайды жеке бақылауына алуды сұрайды.

Мені елден қуып жіберу Шығыс Қазақстан облысы әкімінің сыбайлас жемқорлық, сауда мүдделерін көздейді деп ойлаймын. Мен оны кәсіби тұрғыда елемей өте алмадым. Менің ойымша, халықтың ақшасын ысырап етудің мән-жайын ашу журналистердің басты міндеттерінің бірі. Шығыс Қазақстан облысының әкімдігі жүргізіп жатқан журналистикаға қарсы күрес мемлекеттің беделіне орасан зор зиян келтіреді, – деп санайды депортацияланған азамат.

Orda.kz Шығыс Қазақстан облысының әкімі Даниал Ахметовке Серік Уәлихановты елден депортациялауға қатысы бар ма деген сұраққа жауап беру үшін ресми журналистік сауал жолдаған. Әкімнің жауабы түскен бойда жарияланады.