Жезқазғанда жоғалып кеткен бойжеткен Қарағандыдан табылды

Жезқазғанда екі апта бойына жоғалған қыз іздестірілді деп хабарлайды Paryz.kz, zakon.kz-ке сілтеме жасап. 

Ол 28 маусым күні үйінен шығып кеткен. Келесі күні анасы полицияға хабарласқан.

Біз қызым және 5 жасар ұлыммен үшеуміз бірге тұрамыз. Оның жоғалуы алдында арамызда ешқандай жанжал болған жоқ. Кешке үйге келсем, ол үйде болмады, ұялы телефонына хабарласып едім, сөндірулі, - деді ол.

Қыз Жезқазған, Сәтбаев, Қарағанды ​​және Нұр-Сұлтан қалаларынан да іздестірілді. Іздеу жұмысына волонтерлар да ат салысты.

12 шілдеде кешке Жезқазғаннан келген такси жүргізушісі клинет іздеп, Қарағанды ​​автобекетіне бас сұғады. Сол жерден іздеудегі қызды байқайды. Бойжеткен бірден Қарағанды ​​полиция бөлімшесіне қарасты Михайловский аудандық полиция бөліміне жеткізілді. Бойжеткен полицияға денсаулығының жақсы екенін, ешкімге шағымы жоқ екенін әрі өзін еркінен тыс ешкімнің ұстамағанын айтты, - деді облыстық полиция.