"Тапсырыс болуы мүмкін...": Ақтөбе әкімінің бұрынғы орынбасары сотталып жатыр

Ақтөбе қаласында бюджеттен миллиондаған қаржыны ұрлаған 5 сотталушыға қатысты іс қаралып жатыр деп хабарлайды Paryz.kz, "Диапазон" басылымына сілтеме жасап.

Сотталушылар орындығында Ақтөбе қаласы әкімінің бұрынғы орынбасары Жангелді Әубәкіров, ТКШ қалалық бөлімі басшысының бұрынғы міндетін атқарушы Нұрлан Досов отыр. Тағы үш сотталушы "Табыс Ақтөбе" ЖШС-де жұмыс істеген.

Оларға жаңа жылға безендіру үшін бюджеттен бөлінген 100 млн теңгені өзара бөліскен деген айып тағылды. Ал қаланы кәсіпкерлер өз есебінен безендірген. Қылмыстарын жасыру үшін Әубәкіровтің бақылауындағы ЖШС-тен бір көзден сатып алу тәсілімен шарт жасасты. Ұрланған ақшаның бір бөлігі үшін бұрынғы әкімнің орынбасары “Лексус”, шиналар жиынтығы, былғары креслолар сатып алды, айыпталушылар қалған соманы өзара бөлді. 

Айыпталушылардың өздері кінәсін мойындамады. Мысалы, Әубәкіров әкім ТКШ-да үнемделген қаражатқа қаланы безендіруге тапсырма берді, тапсырма орындалды, ал бұл істе қылмыс құрамы жоқ дейді.

Мемлекеттік айыптаушы барлық айыпталушылардың ақша жымқырғанына сенімді. Ол Әубәкіровті 9 жылға, қалғандарын 8 жылға бас бостандығынан айыруды сұрады.

Сот жарыссөздерінде сотталушылардың адвокаттары ақша ұрланбағанын, айыптау негізсіз екенін атап өтті. Ал жәбірленушінің өкілі бюджеттен қанша ақша ұрлағанын айта алмады. Тергеу басынан бастап дұрыс жүргізілмеген. Олар айыптаушының сөзін сынға алып, айыптау актісі дәлелдеме ретінде қолданылғанын, олай болмауы керек екенін атап өтті.

Адвокаттардың бірі істің тапсырыс болуы мүмкін деген нұсқаны айтты.