"Денис Теннің басындағы жағдай қайталануы мүмкін": Алматы тұрғыны полицейлердің жұмысына наразы (ВИДЕО)

Алматылық Жанерке Сейфуллина көлігіннен смартфоны ұрланғаны туралы полицияға арызданған. Қыз тіпті тәртіп сақшыларына ұрының түрі көрінген бейнебақылау камералары түсіріп алған кадрларды ұсынған. Бірақ полицейлер кадрлар көрместен, "табылмайды" деп жауап берген. Бұл туралы Paryz.kz "Информбюро" бағдарламасына сілтеме жасап хабарлады.

Бейнебақылау камерасы маска, қолғап және қалпақ киген адамның күндіз автотұрақта жүрген сәтін видеоға түсіріп алған. Ол машиналардың бірінің терезесі ашық қалғанын көреді. Алдымен қылмыскер машинада дабыл бар-жоғын тексеру үшін есікті тартады. Оның жоқ екеніне көз жеткізгеннен кейін, ол артқы орындықта қалған қымбат смартфонды жайбарақат шығарады.

"Ұры күйеуім екеуміздің дүкенге кеткенімізді күтті. Дүкеннің есігі әйнек, ол біздің ішімізде екенін көрді. Біз бірнеше минут болдық. Ол телефонды алып, қолғапты шешіп, кетіп қалған. Камералар оның басқа көліктерді де тексеретінін көрсетеді", - деді Алматы қаласының тұрғыны Жанерке Сейфуллина.

Оның айтуынша, соңғы бір жыл ішінде ұрылар үшінші рет көліктен құнды заттарды алып кеткен. Әр жолы қыз полиция шақырады, бірақ тәртіп сақшылары ұрланған затты табуға тырыспайды.

"Бұл ауданда бейнебақылау камерасы әр қадамда орналасқан. Жазбаларды көріп, ұрыны табуға болады, ол қауіпті. Денис Теннің басындағы жағдай қайталануы мүмкін. Полиция келді, бірақ тіпті жазбаларға қарамай, таба алмайтындарын айтты", - деді әйел.

Алматының басқа тұрғындары да ұсақ ұрлықтардың назардан тыс қалатынына шағымданды.

Ал полиция департаментінде бұл факт "Ұрлық" бабы бойынша тергеліп жатқанын мәлімдеді. Егер ұры ұсталса, оған 3 миллион теңгеге жуық айыппұл немесе үш жылға дейін бас бостандығынан айыру қаупі төніп тұр.

"Аталған қылмысты ашуға бағытталған жедел және тергеу іс-шараларының кешені жүргізілуде. Сонымен қатар, биылғы төрт айдың қорытындысы бойынша бөтен мүлікті ұрлау саны 48,4 пайызға, оның ішінде ұялы телефондарды ұрлау саны 3,5 есеге төмендегенін атап өтеміз", - деді Алматы қаласы ПД ресми өкілі Салтанат Әзірбек.

Полиция сапасыз жұмыс жасады деген айыптармен келіспейді. Соңғы төрт айда 305 телефон ұрланып, 116 телефон иелеріне қайтарылды.

Бұл ретте Жанерке Сейфуллин полицияның үстінен прокуратураға шағым түсірмекші.