"Көріпкелмін": Алматыда адамдардың миллиондаған ақшасын тонаған екі әйел ұсталды

Алматыда “көріпкел” дуаны алып тастаймын деп зейнеткерлерді алдап соққан, деп хабарлады paryz.kz, polisia.kz-ке сілтеме жасап.

Алматыда заңсыз баю мақсатында адамдардың сеніміне кіріп, ақша жымқырған екі әйел ұсталды. Бір жағдайда шығын 3 миллион теңгеден астам болса, екіншісінде 2,2 миллион теңгені құрады. Зардап шеккендермен кездескен кезде әйел өзін көріпкел ретінде көрсетіп, азаматтарды дуаны жоюға және байлықты тартуға болатынына сендіргені белгілі болды.

Жәбірленушілерді "өңдеу" деп аталатын іс-әрекетке бірнеше минут кеткен. "Көріпкел" рәсімді орындау үшін үйдегі барлық қолма-қол ақшаны алып келуді өтінген. Бірнеше секунд ішінде ақшалар қарапайым қағазға ауыстырылған. Жәбірленушілерге "байлықты" күту ғана қалған.

Алдаудың тағы бір нұсқасы одан да сұмдық көрінді. Іс-әрекеттер мамыр мерекелеріне дейін болды.

Қылмыскерлер өздерін әкімдік қызметкерлеріміз деп таныстырды және пәтерге кірген кезде сыйлықтар мен жәрдемақыларды алу үшін ардагерлер тізіміндегі деректерді нақтылауды сұрады. Бірі "тексерумен" айналысқан кезде, екіншісі ақшаны іздеді. Пәтерлердің бірінен 2 миллион теңгеден астам қаражатты тауып алды. Осы қылмыстарды жасағаны үшін Алматы облысының 1982 және 1986 жылы туған тұрғындары ұсталды. Ұсталғандардың бірі бұған дейін осыған ұқсас қылмыстар үшін сотталған.

ҚР ҚК-нің 190-бабы бойынша жүргізіліп жатқан сотқа дейінгі тергеу аяқталғанға дейін жәбірленушілердің тізімі ұлғаюы мүмкін. Ұсталғандардың екеуі де уақытша ұстау изоляторына қамалды.