150 мыңнан астам адам өзін құмар ойындардан шектеді

Оның ішінде онлайн (eGov mobile) форматта бұл қызметті 149 973 адам, ал жазбаша - 3 213 адам қолданды.

Естеріңізге салсақ, шектеу бойынша өтінішті eGov мобильді қосымшасында электронды цифрлы қолтаңбамен беруге болады. Бұл туралы 18 наурызда Қазақстан туризм және спорт министрлігі хабарлады.

Азамат өтініш берсе, сервис оны дереу тіркеп, "құмар ойындар және бәс тігуге қатысудан шектелген адамдар" тізіміне енгізеді.

Шектеу мерзімі — 6 айдан 1 жылға дейін және ол шешімді кері өзгерте алмайды. Шектеу мерзімі аяқталғанға дейін оны ұзартуға өтініш беруге болады.