Қазақстанда жаңа оқу жылында бірінші сыныпқа 352 091 оқушы қабылданды

Карантинге байланысты оқу әртүрлі форматта басталады.  Жаңа оқу жылында бірінші сыныпқа 352 091 оқушы қабылданды, оның шамамен 75% – 6 жасқа толған бүлдіршіндер. Бұған қоса ата-аналардың шешімі бойынша жыл соңына дейін алты жасқа толатын 11 мыңға жуық бала мектеп оқушысы атанды. Балалардың жас ерекшелігі мен ата-аналардың тілегі ескерілді, мектептерде санитарлық талаптарды қатаң сақтай отырып, 1-4 сынып оқушылары үшін кезекші сыныптар жұмыс істеп тұр.

Жаңа оқу жылында бастауыш сыныптарда бір миллионнан астам бала оқиды, оның 60% ата-аналарының немесе заңды өкілдерінің өтініші бойынша мектептерде, кезекші сыныптарда станитарлық талаптарды қатаң сақтай отырып оқуды бастады.

Айта кетейік, елімізде 7 мыңнан астам мектеп жұмыс істейді, оның 3 мыңға жуығында 1-11 сынып оқушылары дәстүрлі форматта оқуды бастады. Олар - шалғайдағы шағын жинақталған мектептер, олардың әрқайсысында 180-нен астам бала бар.  Ал 2,6 млн оқушы оқу жылын қашықтан оқыту форматында бастады.