Нұр-Сұлтанда баласы туған анасын үйден қуып жатыр

Нұр-Сұлтанда тұрғын үй жанжалы басталды. Ер адам туған анасын үйінен шығарып жібермек. Құжаттарға сәйкес, жылжымайтын мүліктің толық иесі - сол ер адам. Бұрын тұрғын үй оның нағашы ата-әжесіне тиесілі болған. Олар бұл үйді өздері салған. Зейнеткер жанжалдың төбелеске дейін жеткенін айтып шағымданды, деп хабарлады paryz.kz, "Астана" телеарнасына сілтеме жасап.

Үйді көп жыл бұрын Қайжан Абдуллованың ата-анасы салған. Қазір әйел немерелерін осында тәрбиелеуде. Бір қарағанда бақытты картина қалыптасқанмен, басқа емес, өз ұлы әйелді үйінен қуып жатыр. 

"Ол айтты, мен өзіме рәсімдеймін, содан кейін мен саған рәсімдеймін деп. Ол мені қартайған шағымда алдады. "Мен сені шығарамын" деп мені әбден боқтады", - дейді Қайжан Абдуллова.

Зейнеткерден басқа, кіші қызы мен ұлы отбасыларымен бірге осы үлкен үйде тұрады. Ал құжаттарға сәйкес, мүлікке иелік ететін үлкен ұлы Батырхан ауласына өз бизнесі үшін қойма салған. 

Қайжанның қызының айтуынша,оқиға 5 жыл бұрын басталған. Содан кейін ағасы анасына пәтер сатып алған, бірақ тегін емес. 

"Анама келіп айтты, "алтыншы қабатқа көтеріліңдер, техэтаж" деп. Ол анамыздың қартайғанын, лифт жоқ екенін жақсы біледі. Оның мақсаты - анамызды қуып шығару және үйдің осы аумағын коммерциялық мақсатта пайдалану", - дейді Гүлбану Тымбаева.

Гүлбану ағасы мен жеңгесінің анасына бірнеше рет қол көтергенін айтты. Осындай қақтығыстардың бірінде қарт әйел 2021 жылға қарай үйден ерікті түрде шығу туралы келісімге қол қойған. Әйелдер адвокаттардан көмек сұрады. Бірақ олар бұл істі жеңіліс деп санайды. Заң тұрғысынан алғанда, ер адам үйді босатуды талап етуге құқылы.

"Заң ұлының жағында. Ол меншік иесі болғандықтан, заңнамаға сәйкес ол өз мүлкін өз қалауы бойынша басқаруға құқылы. Бірақ заңнан басқа, адамгершілік, имандылық, отбасы және бәріне белгілі қасиетті ана деген сөз бар", - деді заңгер Михаил Герасимов.

Заңгерлердің айтуынша, зейнеткердің ұлы бұл үйді зайыбына қайта рәсімдеген. Ер адамның өзі бұл мүлікті балалары алдындағы әкелік қарыз ретінде бергенін түсіндірді. Ерлі-зайыптылар бірнеше жылдан бері бөлек тұрады.

Батырхан анасын далаға қумағанын, өзіне, не бауырына, не қарындасына көшіп баруын сұрағанын айтты. Ал алтыншы қабаттан сыйға тартқан пәтерді ер адам тиімді нұсқа деп атады. Оның айтуынша, 5 жыл бойы туыстары оны жалға берген.

"Бұл - балконы бар екі бөлмелі пәтер. Олардың сатуға, өзгертуге мүмкіндігі болды. Бес жыл бойы олар оны 100 мың теңгеге жалға беріп келді. Қарындасымда да, бауырымда да жалға беретін мүлік бар. Бірақ олар дәл менің үйімде тұрады", - деді Алматы қаласының тұрғыны Батырхан Тілегенов.

Ер адам анасын ұрғанын жоққа шығарды. Туыстарының жеккөрушілік сезімін басу үшін тіпті басқа қалаға кетіп қалған. Батырхан үйді 3 баласына қалдыруды жоспарлап отыр. Жақында бұл отбасында сот басталады.