Абай облысындағы жасөспірім өлімі: Білім басқармасы суицидті жоққа шығарды

Желтоқсан айының ортасында Абай облысы Жарма ауданына қарасты Үшбиік ауылында 9-сыныптың екі оқушысы үлкен балалар қорлағаны үшін өз-өзіне қол жұмсағаны туралы ақпарат тараты. Олардың біреуі қайтыс болып, екіншісі аман қалды. Бұл жағдайға төбелес себеп болған, деп мәлімдеді "Еуразия" бірінші арнасы.

Сыныптастарының айтуынша, 11-сынып оқушылары жасөспірімдерді бірнеше рет ұрып, психологиялық қысым көрсеткен.

Абай облысының полиция департаменті Жарма полиция бөлімі ҚР Қылмыстық кодексінің 105-бабының 3-бөлігі ("Өзін-өзі өлтіру") бойынша сотқа дейінгі тергеуді бастағанын хабарлады. Бірқатар сот-медициналық сараптамалар тағайындалды.

Жасөспірімнің өз-өзіне қол жұмсауы салдарынан мектеп директоры мен сынып жетекшісі қызметінен айырылды.

Желтоқсанның 19-ы күні облыстық білім басқармасы жасөспірімдердің бұзақылық салдарынан өз-өзіне қол жұмсағаны туралы ақпаратты жоққа шығарды. Сондай-ақ ведомство өкілдері марқұмның бір күн бұрын төбелеске қатыспағанын айтты.

Ал өз-өзіне қол жұмсауға әрекеттенген екінші бала жай ғана сабақтан қашып кеткен.

Ол қорада отырған, сабаққа келмеген соң сынып жетекшісі оны іздей бастаған. Ол оның үйіне жүгірді. Ал ата-анасы да оын іздеп, қораға кіргенде ол сол жерде Choco Pie жеп отырған.Абай облысының білім басқармасы басшысының орынбасары Әсем Нүскенова

Бұл іс бойынша басқа ақпарат әлі жарияланған жоқ. Тергеу әлі жалғасуда.