"Мүгедектерге ақшаны қайтар". Қарағанды тұрғыны полиция басшысына талап қойды

Қарағанды облысы полиция департаменті бастығының орынбасары Ерлан Байженовтен "мүгедектерге ақшаны қайтаруды" талап еткен ер адам полиция ғимаратының жанында өзін-өзі өртеп жіберетінін айтты, - деп хабарлайды paryz.kz ақпарат агенттігі Tengrinews.kz сайтына сілтеме жасап.

Фото: видеодан скриншот

Әлеуметтік желіде тараған видеолардан ер адамның қолында канистр мен газ оттығы барын көруге болады. Ол ғимарттан Байженовтың шығуын талап еткен.

Өзін-өзі өртеп жіберетінін айтқан ер адаммен азаматтық киімдегі екінші бір ер адам сөйлесіп, оның қоғамдық тәртіпті бұзғанын түсіндіріп жатыр.

Облыстық Төтенше жағдайлар департаментінің баспасөз қызметі полицияның бұйрығымен оқиға орнына құтқарушылар жетіп, GPS-600 бөшкесін толтырғанын, содан кейін полиция қызметкерлері ер адамды ұстағанын хабарлады.

"Біздің қызметкерлер төгілген жанар-жағармайдың жануын жойды. Тоғыз қызметкер мен екі техника жұмылдырылды", - деп хабарлады Қарағанды облысы Төтенше жағдайлар департаментінің баспасөз қызметі.

Оқиғаның егжей-тегжейін облыстық полиция департаменті де таратты. Ведомство ер адамның зардап шекпегенін айтты. Ол полицияға жеткізілген.