Астана
-9.03°C
Астана
-9.03°C
Қазақстандықтар Ресей Федерациясының Қазақстандағы елшісі Алексей Бородавкинді елден шығарып жіберуді талап еткен петицияға қол қойып жатыр, деп хабарлайды paryz.kz ақпарат агенттігі Ulysmedia.kz сайтына сілтеме жасап.
Петиция авторының сөзінше, елші Қазақстанның ішкі істеріне араласып, сұхбаттарының бірінде халқымызға қатысты негізсіз мәлімдемелер жасады.
«Біріншіден, ол Ресейдің Қазақстанның ішкі істеріне араласуға ниетін «көмектесеміз»деген сөзбен ашық жеткізді. Екіншіден, ол қазақ халқына қай тілде сөйлеу керегін нұсқамақ болды. Үшіншіден, ол Қазақстандағы ұлтшылдық туралы мәлімдемесі арқылы республикада ұлтаралық алауыздықты қоздырады», – делінген петиция мәтінінде.
Сондай-ақ, петицияда елшінің іс-әрекеті Қазақстандағы саяси жағдайды тұрақсыздандыруға бағытталғаны айтылған.
«Осы жағдайларға байланысты Ресей Федерациясының елшісін Қазақстаннан шығару туралы шешім қабылдануы керек, ол кем дегенде осы лауазымынан алынуы қажет», — дейді автор.
Екі күн ішінде бұл ұсынысты үш мыңнан астам адам қолдап үлгерген.
