Астана
-5.03°C
Астана
-5.03°C
Борат рөлі арқылы танылған Саша Барон Коэн Кеннеди орталығының марапаттау рәсімінде қазақ елін тағы да мазақ етті. Бұл туралы Paryz.kz ақпараттық агенттігі мәлімдейді Halyquni.kz сайтына сілтеме жасап.
«Қазақстан – еврейлерді жою бойынша нөмірі бірінші ел», - деп қылжақтады ол.
28 желтоқсанда эфирге шығатын CBS арнасы үшін түсірілген іс-шара Вашингтонда өткен. Оған қатысушылар арасында президент Джо Байден мен вице-президент Харрис те болды.
Осы орайда, ұлты еврей Саша Барон Коэн Батыстың соңғы «антисемиттік тирадаларын» сынға алды.
Мен АҚШ-тағы антисемитизмге қатты ренжідім деп айтуым керек. Бұл әділетсіз. Қазақстан – еврейлерді жою бойынша нөмірі бірінші ел. Біздің хоббиімізді ұрлауды доғарыңдар! Ұрлықты тоқтатыңдар! Канье Уэст тіпті Қазақстанға көшіп, сол елге сай атын өзгертуге тырысты. Бірақ біз оның тіпті біз үшін де антисемит екенін айттық, - деп қылжақтады «Борат».
Ескерте кетсек, негізі оның Қазақстан туралы түсірген фильмінің де, образының да Қазақстан мен қазақстандықтарға ешқандай қатысы жоқ. Сонда да ол өзінің қазақ елін мансұқтауға тырысатынын тағы бір аңғартып отыр.
