Аягөздегі балалар өліміне қатысты тергеу қорытындысы шықты

ШҚО прокуратурасы арнайы прокурорлар басқармасының басшылық етуімен ведомствоаралық жедел-тергеу тобы Аягөз қаласында орналасқан арнайы әлеуметтік көмек көрсету орталығында тәрбиеленушілердің өлімі бойынша сотқа дейінгі тергеу жүргізген, деп хабарлады paryz.kz, zakon.kz-ке сілтеме жасап. 

Тергеу барысында эксгумация және екі мәрте комиссиялық сот-медициналық сараптамасы өтті. Комиссия құрамына балалар инфекционисті, кардиолог, анестезиолог – реаниматолог, нейрохирург, педиатр, Нұр-Сұлтан қаласынан гистолог-сарапшылар және Тауарлар мен қызметтердің қауіпсіздік сапасын бақылау комитетінің мамандары қатысқан.

Сараптама қорытындысына сәйкес, балалардың өлімі өкпе фиброзы, екі жақты іріңді бронхолық пневмония сияқты жанама аурулардың салдарынан болған.

Шынымен, мәйіттерді тексеру барысында үш балада, осыған дейін бұқаралық ақпарат құралдарында жарияланған дене жарақаттары анықталды, алайда аталған дене жарақаттардың балалар өлімімен байланысы жоқ.

Осыған байланысты, ауыр дене жарақаттарын алу фактісі бойынша қылмыстық істер бөлек өндіріске шығарылып, ары қарай тергеу үшін Полиция департаментіне жолданған.

Қазіргі уақытта Тергеу басқармасы аталған дене жарақаттарын алу жағдайын анықтауға бағытталған бойынша қосымша шаралар қабылдауда. Арнайы әлеуметтік көмек көрсету орталығында тәрбиеленушілерге тиісті медициналық көмек көрсетпеу фактісі бойынша қылмыстық істі арнайы прокурорлар сотқа жолдаған.

Өзге ақпараттар ҚР ҚПК-нің 201-бабына сәйкес жариялауға жатпайды.