Астана
11°C
Астана
11°C
Онда ер адамдарға қызмет көрсететін 13 қыз болған. Қыздардың Алматыға Қазақстанның барлық аймағынан жұмыс істеуге келгені анықталды.
Алматыда түнгі стриптиз-клуб қонақтарды қабылдап, интим қызметін ұйымдамтырған, деп хабарлады paryz.kz, Polisia.kz-ке сілтеме жасап.
Алматы қалалық ПД Криминалдық полиция басқармасының қызметкерлері жедел-алдын алу іс-шаралары және азаматтардың жаппай болатын жерлеріне бақылау жүргізу барысында қонақтарды қабылдаған түнгі стриптиз-клубты анықтады.
"Полиция Алмалы ауданындағы Наурызбай батыр көшесіндегі үйлердің бірінің жертөлесінде орналасқан стриптиз-клубты анықтады. Онда ер адамдарға қызмет көрсететін 13 қыз болған. Қыздардың Алматыға Қазақстанның барлық аймағынан жұмыс істеуге келгені анықталды. Халықтың санитарлық-эпидемиологиялық салауаттылығы саласындағы заңнаманың талаптарын, сондай-ақ, гигиеналық нормативтерді бұзғаны үшін ҚР ӘҚБтК-нің 425-бабы бойынша құқық бұзушыларға қатысты әкімшілік хаттамалар жасалды", – деді Алматы қалалық Полиция департаменті бастығының бірінші орынбасары Нұрлан Алмасбеков.
