Қазақстандағы карантин: бірқатар шектеулер алынып тасталды

Жаңа ережеге сәйкес, Ashyq жобасына қатысатын нысандар үшін жұмыс және демалыс күндерінде жұмыс уақытына шектеулер алынып тасталды.

Аймақтың эпидемиологиялық жағдайына қарамастан қызметкерлер мен келушілер үшін қауіпсіз "жасыл" мәртебесімен жұмыс істейтін объектілерге шектеулер алынып тасталды.

Бұл спорттық іс-шараларды, көрмелерді, конференцияларды, форумдарды өткізуге, спорт кешендерінің, демалыс және діни нысандардың, ойын-сауық объектілерінің, сауда орталықтары, сауда желілері, бассейндерге қатысты.
Келушілердің бейтарап "көк" немесе қауіпсіз "жасыл" мәртебесі болған жағдайда ешқандай шектеу қойылмайды. Ал "сары" және "қызыл"  аймақтарда карантиндік шектеулерді жеңілдету біртіндеп жүзеге асырылады.

Осылайша, эпидемиологиялық тәуекел аймағына қарамастан, облысаралық, облысішілік, қалалық (тұрақты және тұрақты емес) тасымалдарды жүзеге асыратын объектілер үшін, отельдер, қонақ үйлер, әуежайлар, теміржол, су және автовокзалдар, өзен және теңіз порттары, автостанциялар мен жолаушыларға қызмет көрсету пункттері; ХҚКО, "Қазпочта" АҚ бөлімшелері, банктер; сұлулық салондары, СПА-орталықтар, жабық базарлар, асхана типіндегі қоғамдық тамақтану объектілері, мектепке дейінгі және қосымша білім беру ұйымдары үшін бейтарап "көк" мәртебе болған жағдайда шектеусіз кіру сақталады.

Сауда алаңы 1000 шаршы метрге дейінгі сауналардың, моншалардың, сауда желілерінің (азық-түлік емес) қызметіне шектеулер алынып тасталды. “Көк” мәртебесі бар кез келген келуші мұндай мекемелерге еркін кіре алады.

Келушілер бейтарап "көк" мәртебеге ие болған жағдайда, мейрамханалар мен дәмханалар, ересектер мен балаларға арналған ойын және ойын-сауық нысандарына еркін кіре алады.
"Жасыл" аймақта мейрамханалар мен дәмханалар типіндегі қоғамдық тамақтану объектілері, ересектер мен балаларға арналған ойын және ойын-сауық орындары (бильярд, боулинг, театрлар, кинотеатрлар, концерт залдары, филармониялар, цирктер, океанариум, компьютерлік және лотерея клубтары, букмекерлік конторалар) үшін келушілерде бейтарап "көк" мәртебе болған жағдайда шектеу алынып тасталды, бұдан басқа "сары" аймақта олардың толтырылуы 50%-дан 70%-ға дейін және "қызыл" аймақта 30%-дан 60%-ға дейін ұлғайтылды. Объектінің толтырылуы оның жобалық қуатына байланысты анықталады.
Қаулы қол қойылған күнінен бастап күшіне енеді.