Қарашөкеев отставкаға кету туралы талапқа жауап берді

Ауыл шаруашылығы министрі Ербол Қарашөкеев қазақстандық шаруалардың отставкаға кету туралы талабына жауап берді деп хабарлайды Paryz.kz.

Министр бұл сайланбалы емес, тағайындалған қызмет болғандықтан Үкімет мүшелері отставкаға кетуге әрқашан дайын болуы керек екенін айтты.

Нақты маған келсек, қазір ауыл шаруашылығын реформалау қажет екенін ешкім дауламайды. Кез келген реформаға қарсы тарап та, жақтаушы тарап та болатыны сөзсіз. Мен барлық тараппен сындарлы диалогқа ашықпын. Тараптар мәлімдемесіне түсінікпен қараймын, - деді ол.

Оқи отырыңыз: Ренжімеңіз": Қазақстандық фермерлер Қарашөкеевтің отставкаға кетуін талап етті

Ербол Қарашөкеев реформалардың егжей-тегжейін талқылау үшін шаруалармен кездесулер белсенді жүргізіліп жатқанын еске салды.

Кеше өңірлерден келген шаруалармен офлайн кездесу өткіздім. Айтпақшы, дәл осы кездесуде 30 қатысушының бірі менің отставкаға кетуімді ұсынды. Бұл кездесу төрт сағаттан аса уақытқа созылды. Егер журналистер талқылауға соңына дейін қатысса, онда олар кездесу соңында біз реформалар қажеттілігі туралы ортақ түсінікке келгенімізге көз жеткізер еді, - деді министр.