Шымкент әуежайына "бомба қойғандар" іздестіріліп жатыр

Шымкент әуежайына бомба қойылды деген хабарлама келіп түсті. Полиция мен әуежай қызметкерлері адамдарды эвакуациялап, тексеріс жұмыстарын жүргізді деп хабарлайды Paryz.kz. 

15 желтоқсан күні белгісіз біреулер әуежайға бомба қойылды деген хабарлама жіберген. 

Куәгерлер оқиға орнынан видео түсіріп, әлеуметтік желіде таратқан. Полицияда тексеріс жұмыстарының жүріп жатқанын мәлімдеді.

Аталмыш дерек Қылмыстық кодекстің 273-бабы бойынша тіркелді. Өзге ақпараттар жария етілмейді, - деді Полиция департаментінің баспасөз қызметіндегілер. 

Айта кетейік, терроризм жайлы жалған ақпарат таратқан жағдайда бес жылға дейін бас бостандығынан айыру жазасы тағайындалады.